'A schiavètta lyrics

C ’o caròfano russo int’e capille,

è guappa e geniale ’a gravunara;

t’appiccia dint’o còre na carcara,

te n’arròbba suspire, a mille a mille.

Tène ‘nfrónte na schiòcca ’e ricciulille

ca me pàreno ’e cròcche d’a vurpara,

e ‘mpónt’o musso chilli duie pelille

vanno cinquanta pèzze a centenara.

E pure chésta bèlla femmenóna

ca putarrìa dà sfizzio a ttanto ’o chilo,

ha pérza ’a pace sója pe na guaglióna.

S’a tène rint’a casa ribbazzata

e se ne sta scennènno ‘mpilo ‘mpilo…

Va tròva c’hann’a fa, ll una cu ll ata !

• Artist:Ferdinando Russo