'Ngiulina. lyrics

Ogne vòta ca véco a ‘Ngiulina

sciacquà ’e panne ‘int’a tina, acalata,

m’aggia fà na mèz’ora ‘e guardata,

e ‘o penziéro cammina, cammina.

Accumméncia a lavà d’â matina:

ògne ghiuórno se fa na culata,

e ‘a vunnèlla ‘int'e scianche, scurciata,

cchiù s’accórcia, cu ‘a capa ‘int’â tina.

E io ca stóngo ‘e rimpètto cu ‘o vascio,

lèvo ll’uócchie, ma ll’uócchie llà vanno;

e guardanno guardanno, m’accascio.

Nu suspiro e lle dico:–‘Ngiulì’!

Essa ride e, turcènno nu panno,

cchiù se mòve, pe’ farme suffrì’.

• Artist:Raffaele Viviani
• Album:Le videopoesie di Gianni Caputo