'O 'nnammurato mio lyrics

'O 'nnammurato mio se va 'nfurmanno

cu chi aggio fatto 'ammore e va vedènno,

e passa pe vicino e va 'nzurdanno,

'a n'anno e miézo chésto va facènno.

M'o ssènto 'e scénnere

ca 'o lasso e sùbbeto,

si 'a féde 'e nàsceta

me vo’ caccià.

Nun ce so' chiàcchiere

né fóse 'a appènnere1,

si nn'a vo' 'ntènnere

pò cammenà.

'O 'nnammurato mio fa 'o scrupuluso,

a sulo a sulo nun m’o dà nu vaso.

Se 'mbròglia, se 'mpapina, fa 'o scurnuso,

io 'o chiammo 'o maccaróne sènza 'o ccaso.

Vicino â fémmena

ce vo' 'o sensíbbele,

chi è muóllo e 'nzípeto

se fa schifà.

Ll'òmmo ha da tènere

presènza 'e spíreto,

si no arretìrete,

nun ce ammuscià.

'O 'nnammurato mio me vo' accullata,

cu 'a capa liscia e sémplice vestuta.

Si rido sulamènte? So' sfacciata.

Nun pòzzo arapì 'a vócca,

aggi'a stà muta.

Ma a chi vo' afflìggere?

Chillo è caràttere

ca m'aggi'a mòvere

si aggi'a parlà.

Cchiù 'nziérre 'e ffémmene

cchiù se 'mpuntígliano,

cchiù 'e ccòrne sguìgliano

sènza pietà.

'O 'nnammurato mio fa 'o scrupuluso,

a sulo a sulo nun m’o da’ nu vaso.

• Artist:Raffaele Viviani
• Album:Canto a Viviani