نه‌ورۆز [Nawroz] [English translation]

ئه‌م سا‌ڵ بێ چیا نه‌ورۆز ناکه‌م

بێ بۆنی گیا ، نه‌ورۆز ناکه‌م

نه‌ورۆز ناکه‌م بێ بڵیسه‌ی سووری ئاگر

نه‌ورۆز ناکه‌م ، ئه‌گه‌ر ره‌شبه‌له‌ک تۆز نه‌کا و

خۆم نه‌بم به‌سه‌ر چۆپی گر

کزه‌ی جه‌رگم

به‌یانی زوو هه‌ڵمسێنه

زۆر ده‌ترسم

که‌وێک

کارێک

گوندێک

شارێک

چه‌مێک ، چیایێک له‌بیر بکه‌م

زۆر ده‌ترسم

دارێک

به‌ردێک

کوختێک

گه‌ردێک

بنچه گیایێک له‌بیر بکه‌م

به‌یانی زوو هه‌ڵمسێنه

دیسان مه‌ڵێ: باتێر خه‌و بێ

سوێندم به‌ چیا خواردوه

که کوردستانه دووره‌که‌م

به گه‌رمێن و کوێستانه‌وه

بگوازمه‌وه بۆ غه‌ریبی بۆ ژووره‌که‌م

• Artist:Maryam Ebrahimpour