'A sti ffenèste [Italian translation]

Aggio appurato ca se chiamma Ràsa,

essa ha saputo ca me chiammo ‘Ndrea..

Che faccio mo ? lle dico quacche còsa ?

Véco ca tanti vvóte me smiccéa…

Nun me pare na zita cuntignósa,

quanno m’affaccio, cchiù ride e pazzéa…

È naturale o vurrìa fà ‘a vezzósa ?

Chi ‘o ssape si fa ovèro o mme cufféa ?

Tène ciérte uocchie ! Tène na vucchélla !

Nu pède piccerillo piccerillo !

Na mana piccerélla piccerélla !

Si putésse menarce nu vasillo !

Mo..sta’ cantanno ! Siénte che vucélla !

Me sto criscènno nu bèllu cardillo..!!

• Artist:Salvatore Di Giacomo
• Album:Le videopoesie di Gianni Caputo