A t'ammentas Maria lyrics

A t'ammentas, Maria, cando fimis

in s’edade 'e sa menzus giovinesa

cando, prenos de tanta cuntentesa,

in sos carrasegares ballaimis?

A tempus giustu ch’imbirrinaimis,

donzi vena de fogu fit atzesa:

tando chi arriberet sa 'etzesa

mancu lontanamente bi creimis.

In sos inghírios de su ballu sardu

a man’a pare cun tegus, Maria,

fia su pius giòvanu, gagliardu;

como so 'etzu, privu de energia.

Su sàmbene fit tando tropu cardu,

s’est inrfittadu chi paret biddia.

Tue fis una giòvana galana,

islanciada, perfetta, cale dea.

'Ativias de amore sa idea

cun sa bellesa tua frisca e sana;

como ses una 'etza zupicana,

trichizonada, iscolorida e fea.

Solu cun su 'achitu tue t’arreas.

Sos annos giogu malu fattu t’an:

ue sun cussas tuas brundas tritzas?

ue sun cussos ojos luminosos

chi pro me de Cupidu fin fritzas?

Cussos annos pro nois sun penosos.

Maria, proite pius non t’ind’adritzas

cun cussos movimentos flessuosos?

Cun cussos movimentos flessuosos

Cun cussos movimentos flessuosos…

• Artist:Maria Giovanna Cherchi
• Album:Ammentos