'A seggia elettrica [1924] [Italian translation]

Quanno liggette 'o nomme int'e giurnale

dette 'nu strillo forte 'nnanze a gente:

No! Nun è overo! Figlieme è 'nnucente…

chi l'ha accusato fa 'na 'nfamità!

'E core e tutt'e mamme nun senteno raggione:

si 'e figlie nun so bbuone, nisciuno ce 'o ppo dì,

ma chella mamma s'accurgette subito

ca 'ncopp'a seggia elettrica 'o figlio jeva a murì.

Tutt'e gioielle, tutt'e cose care,

chesto ha vennuto, chello s'ha 'mpignato,

speranno c"a parola 'e l'avvocato

facesse 'o figlio a casa riturnà.

I' sulo a chille tengo, diceva a tutt'a ggente,

voglio campà pezzente, ma voglio c'hadd"ascì!

Io ca so a mamma, pozzo dì chi è figliemo:

No! 'ncopp'a seggia elettrica nun adda i' a murì!

Sta a mamma muribonda dint'o lietto,

sta 'o figlio 'ncopp'o banco 'e ll'imputate.

A uno a uno tornane 'e ggiurate:

"Micidio 'e primo grado: addà murì!"

nun ce 'o dicite a mamma ca a casa mia nun torno,

dicite: 'O tale juorno 'o vedarraie venì!

Malata, a mamma prega e aspetta a grazia…

Ma 'ncopp'a seggia elettrica 'o figlio và a murì!

• Artist:E. A. Mario