ده دەرکەوە [Da Darkawa] lyrics

ده دەرکەوە گوڵم هێـشتا پێڵو فەرشی سەرە ڕێیە

دڵ کڵویەک بەفری سورى ناو پێکەکانى شەوێیە

وەرە ئاخر کێ فەرمویە بەو ناسکیەوە کە بێ دڵ بی

پایزم گۆڕێکى تەنگ بێ لەو گۆڕەدا مشتێ گڵ بی

وەرە لێرە لەم ژورەدا دارچنارێ بالا ئەکا

لە جیاتى بەفر یا باران تەورێ بەسەریا دائەکا

دوا بڕیارە ئەڵێی ئازیز هەر چرکەیەک سەرت دابێ

نەهاتوى تا دارو بەردی ئەم ڕێگەیەش نەگریابێ

چ دادێکە بڵێی تاکەى لەو دەرگایە ڕابمێنم

دە دەرکەوە گوڵم ئاخر خۆ ڕوبار نیم بتفڕێنم

هەور نیم تا فریشتەکەم ڕولە ئاستانەکەى با کەم

تا بمهێنى و لە بنمیچى ژورەکەتدا بە خوڕ داکەم

بكر عه‌لى

• Artist:Sherko Talib