L’canchon ed Djustav’ Kartofen lyrics

salut mes geins, salut ches jouènes , salut ch ‘est mi ch’ est’ Jouël Dufresne

Boniminteu, roé des minteux ,ceume diroét z’ eutes roé d’ ches berdleux

Dains ches villaches d’ sus ches plaches , j’ pose m’ valise j’ installe m’ n’ ouvrache

Ach’ teure ichi pis d’ main ailleurs ch’ est mi tchot Jouël ch’ t ‘ hon-me au grand tcheur.

Min surpitchet quaind j’ sus né, ch’ est d’ sus m’ fidgure qu’ o l’ o treuvé

J’ avoés eine tiète ceume chelle d’ ein cleune , o m’ o dit bé v’lo ch’ phunomène

I m’ minquoét pus qu’ ein bieu ceustume qu’ je m’ sus taillé sur mesure

Ein ceup d’ pied dains min tchul pis hop dans la chiure

Ceume m’ o dit m’ mère , min fiu, t’ airos la vie dure .

Je m’ sus prom’né dains tous ches bleds ed Gratibus à Babel Oued

chaque foés que j’ montroés l’ bout ed min nez, ch’ public i rigoloét.

In Picardie ceume ailleurs dains ches théïates j’ foés ein malheur

Foère rire ches geins qui sont d’ sud l’ terre ceume diroét l’ eute,

l’ djudjuss cho tu sais l’ foère.

Ch’ est point de m’ feute si dains m’ fan-mille on est toudis des drolibus

Des matcheux pulpe des tcheurfalis des tchots nasus pis des djudjuss

Mi j’ pinse toudis que l’ vie d’ artiss ch’ est ein mollet ceume chelle d’ ein moénieu

I minge ches graines qu’ ches touriss i z’ y mettent dains sin capieu

Salut mes geins, salut ches jouènes, salut ch’ est mi ch’ est Jouël Dufresne

Boniminteu, roé des minteux, mi, ed’ ssus l’ terre, ch est mi ch’ pus héreux.

• Artist:Joël Dufresne