بەهارە بولبول [Behare Bulbul] lyrics

به‌هاره‌ بولبول، بولبول به‌هاره‌،

سه‌ره‌تای ناڵه‌ی سه‌ودایی زاره‌،

وه‌ره‌ بناڵین به‌ جووت له‌شه‌ودا،

ئێمه‌ شه‌و بێدار، بێ خه‌م له‌خه‌ودا،

وا به‌ری به‌یان سفیده‌ی نواند،

ته‌م و تاریکیی له‌گوڵشه‌ن ڕه‌واند،

ده‌شت و کێو هه‌مووی به‌ گوڵ خه‌مڵیوه‌،

به‌رگی بووکێنیی تازه‌ی پۆشیوه‌،

به‌ڕه‌زا پرچی په‌خشان کرده‌وه‌،

شنه‌ی بای شه‌ماڵ شانه‌ی کرده‌وه‌،

نێرگز به‌ په‌نجه‌ی یادی لێلاخان،

ڕووپۆشی لادا، سه‌رمه‌ست و خه‌ندان.

• Artist:Necmedîn Xulamî
• Album:Behare Bulbul