Chitarrata d'ammóre [Italian translation]

Nannina tène 'o còre 'nfus'ô ffèle,

nun fa na còsa si nun me fa male.

Pure pe cchésto 'a vòglio bène assaje

ca nun m'a putarraggio maje scurdà.

'A cunuscètte dinto primmavèra

quanno 'o sóle è lucènte cómme a ll'òro

e cómme a ll'òro dint'a ll'uócchie tène

na luce ca te struje e te po’ cecà!

Si m'ha da dà nu vaso sulamènte

m'o da cu nu mussillo amaro e astrinto

ca me turmènta e nun me sazia maje

j'e desidèrio me fa spantecà!

Tène 'e capille nire e anèlle anèlle...

na faccia delicata 'e madunnèlla,

ll'uócchie curvine e na vócca 'e curallo

ca n'ata eguale nun se po’ truvà.

Capisco quanno dice na buscìa

e quanno pe dispiétto è 'nfama assaje,

ma è tanta 'a frennesia 'e vulérle bène

ca si m'accide bène me farrà!

Cómme te da' na gioia te da’ na péna,

e sape vulé male e vulé bène.

Ma si dóce te guarda e t'accarézza

te da’ 'o calóre d'a felicità.

Si sulo m'ha da dì ca me vo’ bène

primma m'o ddice e dòppo m'avveléna

cu nu dispiétto o puro nu capriccio

ca 'o còre me fa chiàgnere e penà.

È 'ntussecósa, sì, ma quanno dice

"Te vòglio bène"... allóra so' felice.

Allóra 'a giòia me trase 'int' a 'stu còre

pure si nun ha ditto 'a verità.

E' tanto capricciosa ca nu scióre

ê vvòte 'a fa’ felice... e pe'nu mare

'e bène e de ricchézze è indifferènte

e 'o còre te fa strùjere e 'mpazzì.

Ma quanno 'a tèngo strétta 'int'a 'sti bbracce

e ca me vasa e m'accarézza 'a faccia...

nun ce stanno puntiglie né capricce

che 'a dint'o còre m'a pònno levà!

• Artist:Peppino De Filippo
• Album:Paese mio!