پرسیار [Prsyar] lyrics

پرسیار لە ڕابردووم مەکە

من کەسێکی بێ ڕابردووم

ڕابردوویەک تۆی تیا نەبی

منیش لەنێویدا مردم

من مێژووی خۆمم خۆش ناوێ

چونکە خەتای لەگەڵ کردووم

بێ ئەوەی ناوی تۆ ببات

ئەو هەموو ساڵانەی بردم

ڕابردووی چی لەبوونمەوە

قەدەرم غەدرم لێ ئەکا

هەموو عومری تەکاندووم

تازە ئاماژەت بۆ ئەکا

بە پرسیار ئازارم مەدە

بۆ لە ڕابردووم ئەپرسی

بۆ پرسێک ناخی خواردووم

بۆ وا درەنگ یەکمان ناسی

خۆم پێم سەیرە لەنێو عومری

سارد و سڕێ بێ تۆییدا

چۆن بەبێ تۆ ئەژیام وچۆن

چۆن بێ تۆ هەناسەم ئەدا

من نازانم بە چ خەونێک

بچمە نێو عومرێکی تر

ساڵەکانی پڕ بن لە تۆ

منیش پڕ بکەن لە شیعر

ئەی کەو کەسەی بۆ هەتایە

بە سۆزت داگیرت کردووم

پرسیار لە ڕابردووم مەکە

من کەسێکی بێ ڕابردووم

• Artist:Paywand Jaff