ଆଜ ଦେଖିଲି ରେ ନବୀନ ବୟସୀ ବାଳା [Aaja Dekhilire Nabina Bayasi Bala]

ଆଜ ଦେଖିଲି ରେ ।

ନବୀନ ବୟସୀ ବାଳା ।

ପାଇଥାନ୍ତି ଯେବେ ଚନ୍ଦ୍ରବଦନୀକି

କରିଥାନ୍ତି ଗଳାମାଳା । ଘୋଷା ।

ଦୂରୁ ଦେଖି ମୋତେ କୁରଙ୍ଗୀନୟନୀ

ତର ତର ହୋଇ ଗଲା

କାଖେ କୁମ୍ଭ ଘେନି ଲେଉଟି ଚାହାଁନ୍ତେ

ମଦନଶର ଦହିଲା । ୧ ।

ସୁନ୍ଦର କନ୍ଦର୍ପ ଦର୍ପଣ ପରାୟେ

ଝଟକୁ ଥିଲା ତା ମୁଖ

ଚାହିଁବା ମାତ୍ରକେ କ୍ଷୟ ଗଲା ମୋର

ଅଙ୍ଗରୁ ଅନଙ୍ଗ ଦୁଃଖ । ୨ ।

କୋଟି କୋଟି ଶିବ ସେବା କରିଥିବ

ଯେ ଥିବ ଗଙ୍ଗାରେ ଧ୍ୟାୟି

ବୋଲେ ଉପଇନ୍ଦ୍ର କବିକୁଳଚନ୍ଦ୍ର

ତା ସଙ୍ଗ ଲଭିବ ସେହି । ୩ ।

• Artist:Bhikari Charan Bala