Թաթուլ Կրպեյան [Tatul Kyrpeyan] lyrics

Մայրամուտ իջավ, պատեց սար ու ձոր,

Սակայն չդադարեց կռիվն ահավոր,

Բացվեց արշալույս` անհույս սգալով,

Գետաշենն ընկավ հայդուկի փառքով:

Մի ասուպ սահեց, գնաց երկնակամարով,

Հավքեր եկան-անցան` լուռ արտասվելով,

Ավաղ ԹԱԹՈՒԼն էր ընկել կռվում քաջարի,

Մի լուր տարե՛ք, հավքե՛ր, մորը հայդուկի:

Էրգրի սուրբ կարոտով կամավոր դարձար,

Վասն հայրենյաց դու նահատակվեցար,

Ավաղ վերքերիդ համար չեղավ դեղ-դարման,

Թող լույս իջնի շիրմիդ ԹԱԹՈՒԼ ԿՐՊԵՅԱՆ:

Գետաշենն էլ ձեզ հետ ընկավ քաջարի,

Բախտը գետաշենցուն զարկեց ժեռ քարին,

Թէ՛ տուն, թէ՛ գերեզման մնացին գերի,

Մարեց վառվող մոմը վրան խաչքարի:

Դաշնակցութեան մարտիկ, ազգի քաջ զինուոր,

Մահուանդ լուրը գուժեց սրտեր բիւրաւոր,

Ձեր թափած արեան կանչը թող ապրի յաւերժ,

Ամեն հայի սրտում թող ծնի վրէժ:

• Artist:Sahak Sahakyan