Voce 'e notte [English translation]

Si 'sta voce te scéta 'inta nuttata,

mentre t'astrigne 'o sposo tujo vicino...

Statte scetata, si vuó sta scetata,

ma fa' vedé ca duorme a suonno chino...

Nun ghí vicino ê llastre pe' fa 'a spia,

pecché nun puó sbaglià, 'sta voce è 'a mia...

E' 'a stessa voce 'e quanno tutt'e dduje,

scurnuse, nce parlàvamo cu 'o "vvuje".

Si 'sta voce te canta dinto core

chello ca nun te cerco e nun te dico;

tutto turmiento 'e nu luntano ammore,

tutto l'ammore 'e nu turmiento antico...

E si te vène 'na smania 'e vulé bene,

na smania 'e vase córrere pe vvéne,

nu fuoco ca t'abbrucia comma cche...

vásate a chillo...che te 'mporta 'e me?

Si 'sta voce, ca chiagne 'inta nuttata,

te sceta 'o sposo, nun avé paura...

Vide ch'è senza nomme 'a serenata,

dille ca dorme e che se rassicura...

Dille accussí: "Chi canta 'int'a 'sta via

o sarrà pazzo o more 'e gelusia!

Starrà chiagnenno quacche 'nfamità...

Canta isso sulo...Ma che canta a fà?!...

• Artist:Mario Lanza