هتجن يا ريت [Hatgen Ya Reit] [English translation]
هتجن يا ريت [Hatgen Ya Reit] [English translation]
هتجن ياريت يا خوانا
مرحتش لندن ولا باريز
دي بلاد تمدين و نضافة
و ذوق و لطافة
و حاجة تغيظ
مالاقيتش جدع متعافي
و حافي
و ماشي يقشر خس
ولا شحط مشمرخ أفندي
معاه عود خلفة
و نازل مص
ولا لب أسمر و سوداني و حمص
و انزل يا تقزيز
هتجن ياريت يا خوانا
مرحتش لندن ولا باريز
دي بلاد تمدين و نضافة
و ذوق و لطافة
و حاجة تغيظ
ولا واحدة
في وش الفجر تبرطع
ماليه الدنيا صوات
قال ايه جوز خالة ام أحمد
سلفة أخوها السيد مات
سبحانك مأ اعظم شانك
و الله الموت ده مفيد و لذيذ
ولا عركة في نص الليل دايرة بالحيل
وساحبها بوليس
قدامها جدع متجرجر
و شه معور قال ده عريس
الخلق ما هي بتتجوز
و اشمعنا احنا مافيش تمييز
هتجن ياريت يا خوانا
مرحتش لندن ولا باريز
دي بلاد تمدين و نضافة
و ذوق و لطافة
و حاجة تغيظ
ولاصايع طالع يجري
وصايع تاني بيجري وراه
ويقول له هاهع حصلتك
يابن اللي ابصر ايه عاملاه
لا الشارع غيط يا جماعة
ولا احنا بدارة
ولا احنا معيز
ولا واحد طالع يجري
ولا واحد تاني بيجري وراه
ويقول له هاهع حصلتك
يابن اللي ابصر ايه عاملاه
لا الشارع غيط يا جماعة
ولا احنا بدارة
ولا احنا معيز
-------------------------------------------
[أجزاء من نسخ أخرى]
ولا وحد بيبيع حاجة
يقول بريال و تاخدها بصاغ
يا خوانا دي حتى الابرة
تاخدها بدوشة وقلب دماغ
حلفان وعراك مناهدة
ويمكن ضرب كفوف
يا حفيظ
ولا فيش ميت الف صعيدي
هاجميين و لا فيش
ميت الف معوض داعس
جاي معاه صندوق ورنيش
والله كرهت القهوة
و حرمت أقعد عالأفاريز
ولا شفتش ده اللي بلاسة
وده اللي بعمة وده بطربوش
ملابسنا يا ناس تشكيلة
تعد اصحابها ما يتعدوش
دول ناس كنا أحسن منهم
قول و مسيرنا باذن الله
نبقى احسن منهم برضك
بعد الدرس اللي أخدناه
والله ده عيب نتهجى دروس
يا أساتذة على التلاميذ
- Artist:Sayed Mekawy