بغنيلك يا وطني [Bghannilak Ya Watani] [Finnish translation]

شو اللي معلّقني فيك شو اللي مخلّيني فيك

إنتَ اللي ساكن فييّ مش قدراني إنسيك

خوفي هاجر وروح والبعد يزيد جروح

بيقلبي الوجع يكبر إنت القلبك مجروح

كل العم إسألو مين اللي بشَّعك

يا قمري العالي الحلو بتبكي وعم إسمعك

هنيّ اللي شوّهوك بِحِكمن هدمّوك

خيراتك كلا نهبوها راحو وتركوك

غاباتك حطب ونار وبحورك مزبلي

انتو حكاّم العار اللي عملتو هالمهزلي

برسم على الحيطان وطن عم بحلم فيه

بالليل بتنهد الحيطان وايديكن تمحيه

يا وطني لي زغير ببالي انت كبير

بدّي إبقى بأرضي إشقى تتبقى بلد الملقى

يا وطني يا ملفى الحمام

بغنيلك يا وطني تتخلص الايام

شمسك تضوي ما تنطفي ولا القمر ينام

بغنيلك يا وطني تيوسع الغمام

ونجوم السما ترفرف بالاحلام

بتمشى بين البيوت بِشوارع بيروت

حِزني ع هالمدينة يومية عم بتموت

ووجوه ولاد زغار كِبرت بالانهيار

ضحكاتن غابت راحت ضاعت بِهالمدار

وين شجر الليمون اللي مسِّيج الساحات

كان عبيرو يلفح العيون بْهوا المسويات

وين بيوت القرميد المزروعة عناقيد

طلعت محلا بنايات علب من حديد

إنتَ الفيّ مزروع برفض تبقى مذلول

بدي جبينك عالي مرفوع بْصوتي غنيّ وقول

شو عملتو بوطني إنتو يللي قتلتوه

ميّة سني تشتّي الدني ما بتخفيه اللي عملتوه

خوفي منيّ لتضّيع بِهالمدى الوسيع

وتبقى ببّالي ذكرى قبالي ضيعّنا وطنّا الغالي

يا وطني يا ملفى الحمام

بغنيلك يا وطني تتخلص الايام

شمسك تضوي ما تنطفي ولا القمر ينام

بغنيلك يا وطني تيوسع الغمام

ونجوم السما ترفرف بالاحلام

• Artist:Hiba Tawaji
• Album:Hiba Tawaji 30