Teresa De Sio - Piscatore 'e Pusilleco

Piscatore ‘e stu mare ‘e Pusilleco

Ch’ogne notte mme siente ‘e cantá

Piscató, sti pparole só lacrene

Pe’ Maria ca luntana mme sta!

Dorme ‘o mare... voca, voca

Tutt’è pace attuorno a me

Ma pecché

Ma pecché mm’hê lassato

Mentr’io moro, stanotte, pe’ te!?

Zitto oje core, ca ‘nterra Pusilleco

Spónta ‘a luna e te vène a vasá

Quanta notte aggio perzo guardánnote

Quanta juorne aggio visto spuntá!

Dorme ‘o mare... oje bella, viene!

‘Ncielo ‘a luna saglie e va

Vita mia

Vita mia, mme vuó bene?

Ca si è suonno, nun farme scetá

Dorme ‘o mare... oje bella, viene!

‘Ncielo ‘a luna saglie e va

Vita mia

Vita mia, mme vuó bene?

Ca si è suonno, nun farme scetá

• Artist:Teresa De Sio
• Album:edo e regina (1986)