Asirem [l'espoir]

Asirem d aεeqqa yessawalen

Ma d tafat i d-yettemɣin deg ul

Tezdeɣ yal yiwen

Asirem d tikli ur d-yettɣawalen

Ḥala win iwala yeggul

Deg-s ad iεiwen

Win iwala icemmeṛ i yiɣallen

Ad as-id-yessemɣi afriwen

Asirem d tafsut

S ijeğğigen yessedhayen allen

Akked wulawen

Yal yiwen itessu-t

S tirga-s i d-yettenɣalen

S wunfal n wurrawen

Asirem ḥṣut

Melmi ulac-it medden ɣillen

Luḍa d asawen

Am uεeqqa n ttut

Netta d walleγ ur ttemlilen

Ur ttemgarawen

Kennemti a sut

Wanzi n wakniwen

S cbaḥa-nkent

Yessawalen i tullya n wudemawen

Kra yellan d ṣṣut

I d-gren yizmawen

Rnumt-tt i yiɣallen

N tlelli i aɣ-id-yurwen

Asirem d aεeqqa yessawalen

Ma d tafat i d-yettemɣin deg ul

Tezdeɣ yal yiwen

Asirem d tikli ur d-yettɣawalen

Ḥala win iwala yeggul

Deg-s ad iεiwen

Win iwala icemmeṛ i yiɣallen

Ad as-id-yessemɣi afriwen

Asirem d tafat

Tin i d-yettezɣuɣuden am yitri

Ibeεden ɣef medden

Acemma ur yettfat

Wissen ad t-id-yerr d tiziri

Ad as-yesbedd ifadden

Asigna yenfa-t

S ugerruj d tezmert d tayri

D yidrimen iqudden

I inuda yufa-t

Tilelli taɣdemt d asmiri

I win i tt-ibudden

Yin-as ar tufat

Xas tili-s tezri

Asirem d win i d-icudden

Ar yiri n lemri

Kra ma yesserfa-t

D asirem i d ifri

Yid-wen ara yeddari

I wass i as-id-ibedden

Asirem d aεeqqa yessawalen

Ma d tafat i d-yettemɣin deg ul

Tezdeɣ yal yiwen

Asirem d tikli ur d-yettɣawalen

Ḥala win iwala yeggul

Deg-s ad iεiwen

Win iwala icemmeṛ i yiɣallen

Ad as-id-yessemɣi afriwen

• Artist:Ferhat Imazighen Imula
• Album:Tilelli i teqbaylit