Munasterio 'e Santa Chiara lyrics

Dimane? Ma vurria partì stasera!

Luntano, no, nun ce resisto cchiù!

Dice che c'è rimasto sulo 'o mare,

Ch'è 'o stesso 'e primma, chillu mare blu.

Munasterio 'e Santa Chiara,

Tengo 'o core scuro scuro.

Ma pecché, pecché ogne sera

Penzo a Napule comm'era?

Penzo a Napule comm'è?

Funtanella 'e Capemonte,

Chistu core me se schianta,

Quanno sento 'e dì d' 'a ggente

Ca s'è fatto malamente

'Stu paese, ma pecché?

No, nun è overo!

No, nun ce crero!

E moro pe' 'sta smania 'e turnà a Napule

Ma c'aggi' 'a fà?

Me fa paura 'e ce turnà.

Paura?.. Sì… Si fosse tutto overo?

Si 'a ggente avesse ditto 'a verità?

Tutt' 'a ricchezza 'e Napule era 'o core.

Dice c'ha perzo pure chillu llà.

Munasterio 'e Santa Chiara,

'Nchiuse dint'a qquatto mura

Quanta ffemmene sincere

Si perdevano ll'ammore,

Se spusavano a Gesù.

Funtanella 'e Capemonte,

Mò, si perdono 'n'amante,

Già ne tenono ati cciento,

Ca, 'na femmena 'nnucente,

Dice 'a ggente, nun c'è cchiù.

No, nun è overo!

No, nun ce crero!

E moro pe' 'sta smania 'e turnà a Napule

Ma c'aggi' 'a fà?

Me fa paura 'e ce turnà.

Munasterio 'e Santa Chiara,

Tengo 'o core scuro scuro.

Ma pecché, pecché ogne sera

Penzo a Napule comm'era?

Penzo a Napule comm'è?

• Artist:Roberto Murolo