Tu nun m vuo' cchiù bène lyrics

T'aggio visto dint'a st'uócchie bèlle,

vèrde cómm'o mare, na smania passá.

Nun dì no.

T'aggio ditto: "Ma pecché nun parle?"

Maje si' rummasa, cchiù zitta Carmè',

cómm'a mo.

E accussí, mme sô' addunato

ca nu' cchiù a me, ma piénze a n'ato.

Carmè', Carmè.

Tu nun me vuó' cchiù bène,

tu nun me cure cchiù. (ddoje vote)

'Sta manélla

abbandunata e frédda,

chélla ca, na vòta, tremmava, nun è.

Nun dí no.

'Sta vucchélla,

ca redéva sempe,

nn'aggio vista maje chiù 'nzerrata restà

cómm'a mo.

E accussì me sô' addunato

ca no’ cchiù a me, ma piénze a n'ato.

Carmè', Carmè.

Tu nun me vuó' cchiù bène,

tu nun me cure cchiù. (ddoje vote)

Sissignore,

è scritto e destinato

ca 'a fine 'e ll'ammóre

pure ha da venì.

Nun dí no.

Ma che strazio quanno se ne mòre

stu pòvero ammóre

e che fine che fa,

cómm'a mo.

Ma si 'a mo nun piénze a n'ato

che fa, che fa? Tu m'hê lassato.

Carmè', Carmè.

Tu nun me vuó' cchiù bène,

tu nun me cure cchiù.(ddoje vote)

• Artist:Salvatore Di Giacomo
• Album:Le canzoni di Salvatore Di Giacomo