'A mamma [Italian translation]

‘A mamma è n’ata cosa: ‘o cereviéllo,

ll’ asse d’a casa, ‘o sciato, ll’ armunìa;

è chélla ca cumanna ‘a cumpagnia:

sta ‘ncapa ‘o capo ‘e casa, è nu cappiéllo.

Attuórno tène sèmpe nu ruciéllo,

abbada a mmille còse, fa ‘a Maria;

e si nun sbatte pe na malatia,

va ascianno sèmpe ll’ ago cu ‘o rucchièllo.

A chi nu punto, a chi na céra stòrta,

a chi nu vaso, a chi n’avvertimènto.

E se capisce ‘a mamma quann’ è mòrta,

quanno nun ce sta cchiù sta scucciantóna:

ca pare ca t’accide ògne mumènto

e, dòppo nu minuto, te perdòna.

• Artist:Raffaele Viviani
• Album:Le videopoesie di Gianni Caputo