A Maria - Passu Torrau lyrics

Àrtzia sos ojos a chelu, mira totus sas istellas:

sa chi brillat pius de àteras est Maria,

est Maria...

E como pensa a su sardu folklore

comente siat unu firmamentu.

Maria teniat cussu talentu

de brillare cantende cun onore,

de brillare cantende cun onore.

[Passu Torrau:]

Sa ‘oghe tua, istella, est dechida,

sonniare l’at fattu a sa Sardigna

a l’intender pariat una carigna

fatta dae su coro cun amore,

fatta dae su coro cun amore.

S’ispera pro su tempus bennidore

s’est cunsumida che una candela

ma est restada arta sa pandela

chi a sos sardos lis faghet onore,

chi a sos sardos…

Como ses a fiancu 'e su Segnore

ma non potho olvidare cuddu visu

chi lughiat che sole e su sorrisu

delicada cantende in sas maneras,

delicada cantende in sas maneras.

T’an piantu sas làgrimas sintzeras

de tota canta sa zente isolana.

Morta ses tue, morta est sa campana

chi cantaiat a sa terra amada,

chi cantaiat…

Gai giòvana a chelu ses pigada

ma semper bella ti cherz’ammentare

in mesu a sos ànghelos a cantare

e a cantare s’ora chi non t’ido

e s’ora chi non t’ido, prenda amada,

e s’ora chi non t’ido, prenda amada,

e s’ora chi non t’ido…

• Artist:Maria Luisa Congiu
• Album:Ego