’A ‘mmasciata lyrics

Quanno dicètte: “È inùtile,

nun ne vo’ cchiù sapé,

e v’ha mannato a ddìcere

pe mme”,

i’ m’addunaje, guardànnola,

ch’era chiù bèlla ’e te!

No, c’a cumpagna tòja,

ca manco me guardaje,

nun t’a piglià, pecché

’a cólpa nun è ’a sója

si me ne ’nnammuraje:

era chiù bèlla ’e te

Nun me vuléva sèntere,

dicéva: « Chésto no;

nun vòglio purtà ’o scrùpolo,

gnernò... »

Ma ’o còre, quanno è lìbbero,

po’ fà chéllo che vo’.

No, c’a cumpagna tója,

ca manco me guardaje,

nun t’a piglià, pecché

’a cólpa nun è ’a sója

si me ne ’nnammuraje:

era chiù bella ’e te!

E mo? Spisso, vasànnoce,

’nce arricurdammo ’e te.

Essa se métte a chiàgnere

pecché

se crére — quanto è sémprice —

ca tu chiagne pe me!

No, c’a cumpagna tója,

ca manco me guardaje,

nun t’a piglià, pecché

’a cólpa nun è ’a sója

si me ne ’nnammuraje:

era chiù bella ’e te!

• Artist:Rocco Galdieri