A nois povera zente lyrics

A nois pòvera zente, a nois chena prus gustu

nos an postu a banda e no mi paret zustu.

A nois pòvera zente, e non bi colat die

chin milli pessamentos de ingurtire.

Nois semus cussa zente chi pro àere unu sisinu

pranghet a conca bassa sichinde su destinu,

sichinde un'isperàntzia chi podat cambiare

pro biver bida zusta chin pacu 'e dignidade.

Hómines oprimidos naschios in malasorte

gherrande cada die ca semus sos prus fortes

che canes sutta 'e mesa, chin custa infamidade

colamus custa bida chircande 'e rosicare.

A nois pòvera zente…

E bois, sos printzipales, guvernu traitore,

nos azes irrobau pro biver de signores.

Tue chene cusséntzia, tue preicadore

chin risu beffulanu, chene tudda, chene amore.

Sichimus a gherrare pessande a fizos nostros

chentz'àere un avvenire, gai però non sun sos bostros;

an donzi disizu chene mancu unu cuntentu

sos fizos nostros caros, morinde a focu lentu.

A nois pòvera zente…

• Artist:Lucianu Pígliaru
• Album:Chelu 'e nues