'A simpatia [Italian translation]

I’ nun ve guardo e vuje nun me guardate,

ma nu tantillo ‘e bbène m’o vvulite!

Nu pòco pòco... nu ve ll’annïate,

pecchè già ‘o ssaccio e vuje..pure ‘o ssapite!

È ovèro o no? I’ ll’aggio andivinate?

Nun m’avutate ‘a faccia e nun redite!

Vulite fà vedè ca disprezzate,

ma ve cunósco, e.. vuje me canuscite!

Sulo n’ucchiata vòsta m’abbastaje!

Me guardàsteve brutto.. chésto è ovèro;

ma v’assicuro ca i’ nun sbaglio maje!

E quann’è cchésto.. pòzzo dì ca spèro?

V’o ppòzzo dì ?.. T’o ppòzzo dì ca staje

dint’a stu còre e dint’a stu penziéro?

• Artist:Ferdinando Russo