Adar mân y mynydd

Yr eos a'r glân hedydd

Ac adar mân y mynydd,

A ei di'n gennad at liw'r haf

Sy'n glaf o glefyd newydd?

Does gennyf ddim anrhegion

Na jewels drud i'w danfon

I ddwyn i gof yr hwn a'ch câr,

Ond pâr o fenig gwynion.

Yr adar mân fe aethant

I'w siwrnai bell hedasant

Ac yno ar gyfer gwely Gwen

Hwy ar y pren ganasant.

Dywedai Gwen lliw'r ewyn

Och fi, pa beth yw'r deryn

Sydd yma'n tiwnio nawr mor braf

A minnau'n glaf ar derfyn?

Cenhadon ym gwnewch goelio

Oddi wrth y mwyn a'ch caro,

Gael iddo wybod ffordd yr ych

Ai mendio'n wych a'i peidio.

Dywedwch wrtho'n dawel

Mai byr fydd hyd fy hoedel,

Cyn diwedd hyn o haf yn brudd

A'n gymysg bridd a grafel.

• Artist:Siwsann George
• Album:Traditional Songs of Wales - Caneuon Traddodiadol Cymru