على الله [Ala Allah] lyrics

على الله يالبعيد اللي مشى هالقلب مشواره

على الله نلتقي يمكن تحن وتذكر عيونك

انا لولا الوفا ماجيت درب الشوق واقداره

وتركت اللي يبي قربي عشان اكون مسجونك

اذا قصدك تخيّرني، بعادك كيف ابختاره؟

وانا حتى زوايا البيت تسأل عنك وشلونك

تصور كل ماصديت احس الخطوة محتارة

يناديني الفراق وليه توقف خطوتي دونك

يمر الليل في بعدك ويسأل وش هي اخباره

وأقول بخير مازلنا حبايب وأنكر طعونك

عسى نور الفجر يطوي ظلام الليل واسراره

وأشوفك في المدى تضوي حياة وعمر مظنونك

كثر ما زاد هجرانك يزيد العاشق اعذاره

احس انك تبي ترجع ولكن ظرفك يخونك

تعال القلب من بعدك ليالي ماحدٍ زاره

أنا من وين ابلقاها دخيل الله على هونك

• Artist:Majid Al Mohandis