Alte Voce - Beata funtanella

Ùn circava furtuna nè destinu,

M'incaminava solu à l'acqua fresca,

Cun l'ombra di a luna pè vicinu

È in manu bilancendu a mio giaretta,

Quandu scuntrai à tè indu lu caminu,

In capu à l'usu anticu a to sechja.

Quessa ùn'ha mai vistu sole, o damicella,

È tu mi feste un surisu graziosu.

Da poi fusti per me cum'è a stella

Chi sà guidà l'amanti à locu oscosu

È sempre à listessa ora la più bella.

Di quella funtanella fui l'amurosu.

Ùn mi mancaste mai o chjara stella,

Chi fuste tù per mè u primu amore.

Di sechja e di giaretta più n'ùn c'hè,

Ma per tè batte sempre u mio core.

Beata funtanella di San Pè,

O a so acqua fresca senza sole.

• Artist:Alte Voce