Ameymê lyrics

Nîşîme ma, îta vîme

Nat u bot u dot vîme, gê kila adirê kowu de vîme

Gê hêrsê çhemê Muzurî de vîme

Cendegê khalikunê mawo dare de

Roê khalikunê mawo na canê ma de

Dêsim hawo naleno, veng dano gos bide

Jü roştî bereqîna, çimê dergusa Kirmancî de

Roê kahlîkunê xo ma guret ve roê xo

Dîağê dergusa xo ma guret ve canê xo

Tim jîarî u dîarî ma sanay ve phoştîaya xo

Henî ameymê ma, ameymê ameymê

Eve fîlîska qersunu

Eve tersê zerrîa dismenu

Eve govendu, eve simsimu

Ameymê

Kirmancîye welatê mawa

Kutîku rê halete nîya

Kes xo pey medero xo meonco kinare

Xeleşîyaene ma rê pîya pîa bena helale

Hardê dewreşî ser de ma têare de vîme

O cebetî ser de ma zumunî de hast u nast vîme

Key ke fîzîlî amey, fîzîlênî kerde wertê ma

Zumunî rê bime çhîk, dîna ra asme bime

Çîxaşî ke durî de vîme, zerrê ma de Desîm esto

Endî newe ra zerrê ma de jü dîyar resto

Tu ke wayîrê ci mevejîyê, Dêsim domono bêkeso

Nîvo nîvo nîvo nîvo, destê dismenî cireso

Oncîa pîarîme ma

Têare derîme ma

Welatî rê dêndarîme ma

Jü mîjdanîa ma esta

Hardo dewrês pêheşîyo

Yeme yeme yeme, ma ameymê ameymê

Serva çimunê hêstirinu

Serva mezela pî u khaliku

Serva xatirê jîar u dîaru

Ameymê

• Artist:Zele Mele
• Album:Ameymê