Amicizia [Italian translation]

Amicizia è n'acqua chiara,

cristallina, trasparènte,

ca s'appanna dint'a niénte

e pirciò ch'è còsa rara.

Cchiù 'amicizia è bèlla e cara,

cchiù se spòrca facilmènte:

'mmisturata 'a tanta gènte

ca te lassa 'a vócca amara.

Chi 'a vò limpida 'e durata,

nn'a sfruttasse pe prufitto,

s'a tenésse, comm'è nata,

dint'o còre. E llà, 'amicizia,

quanno 'o càlculo sta zitto,

nun se spòrca e nun s'avvizia.

• Artist:Raffaele Viviani
• Album:Le videopoesie di Gianni Caputo