Amore tue lyrics

Est bolende sa conca in sas nues

in mesu de astores e aes

dae s’artu pro menzus godire

sas bellesas chi donat s’amore.

Lasso a terra chie solet tzarrare

contuleddos chi an a sighire

ca su bellu ‘e sa vida est s’amore

chi movet terra, chelu cun mare.

Tue, solu tue

non potho ischire, non potho isplicare

ma tue, amore, tue

mi faghes bisare, riere e cantare

pro te.

Cussa est fea e cussa est belledda,

cussa est betza, cussa est giovanedda,

su maridu de cudda at s’amante,

sa muzere de issu est mancante.

Tue, solu tue

non potho ischire, non potho isplicare

ma tue, amore, tue

mi faghes bisare, riere e cantare

pro te.

Narat su ditzu: “borrios de àinu

a chelu non poden pigare”.

Pro contuleddos menzus a sa muda

o pro s’amore cantare.

Tue, solu tue

non potho ischire, non potho isplicare

ma tue, amore, tue

mi faghes bisare, riere e cantare.

Tue, solu tue

non potho ischire, non potho isplicare

ma tue, amore, tue

mi faghes bisare, riere e cantare

pro te.

So bolende in artu in sas nues

in mesu de astores e aes

e lizera nde torro a falare

pro cantare dae nou s’amore.

• Artist:Maria Luisa Congiu