An tri Anjeluz lyrics

I

Savet, savet, Bretoned

Setu ar mintin o tonet

An Anjeluz a zo sonet

'Barzh e lein an tour

Ar parkoù, an trevajoù

Ar gwaremmoù hag ar prajoù

Al lanneier hag ar c'hoajoù

A c'halv d'al labour

Krogomp holl gant hon dervezh

Kasomp al loened er maez

Hardi, mevel ha matezh

Holl d'en em sikour

Savet, savet, Bretoned

Setu ar mintin o tonet

An Anjeluz a zo sonet

'Barzh e lein an tour

II

Poaniet, poaniet, Bretoned,

Setu ar c'hreisteiz o tonet

An Anjeluz a zo sonet

'Barzh e lein an tour

Pep hini a gemero

Kalon da doullañ e erv

Hag ar c'horfoù a vo derv

Pa vint el labour

Pa ziwano an hadenn

Ar bed en do bara melen

Pa zarevo an avalenn

'Vo evet chistr flour

Poaniet, poaniet, Bretoned,

Setu ar c'hreisteiz o tonet

An Anjeluz a zo sonet

'Barzh e lein an tour

III

Kousket, kousket, Bretoned

Setu an noz du o tonet

An Anjeluz a zo sonet

'Barzh e lein an tour

Hadet eo an trevajoù

Falc'het eo bet ar prajoù

Diskourret eo ar c'hoajoù

N'eus bet den lezour

Echuet eo an dervezh

Prennet eo an tiegezh

Skuizh eo mevel ha matezh

Fin 'zo d'al labour

Kousket, kousket, Bretoned

Setu an noz du o tonet

An Anjeluz a zo sonet

'Barzh e lein an tour

• Artist:Eliane Pronost
• Album:Anthologie du patrimoine phonographique breton 1925-1960