Ancora la pioggia cadrà [Venetan translation]
Ancora la pioggia cadrà [Venetan translation]
In mèxo ae barche sotosora,
Un vento roco se ga inpirà
L'ultima bocada forte,
po' se ga cavà 'e scarpe
Coe man stanche piene de vene
El gà impiegà i vestiti
Come quei che no gà prèssa
El se ga avià verso el mar.
Ea spuma ghe xe 'ndà incontro
E ghe gà incaenà 'e gambe
I òci bagnài daea tristessa
Sóra chel céo, n'altro Céo el gà sercà
Te vegnarò drìo,
Se ti o vól
Dove che ti va,
Mi ghe sarò
El se gà strento i brassi al pèto
Po' el xe sivoeà in aqua.
I treni partii sensa portarne via
No i se fermarà più qua
Finché ea certessa
No ne assarà
e n'altra piòva vegnarà
El ragio dea luna
Sol so fondo eo gà portà
Coe spae pàide e seche
El xe 'ndà verso el tramonto
Un siensio nero
Come el cùeo de l'inferno
el xe 'ndà co eo.
Mi no eo so
Cossa no va
Còssa ghe xe
Còssa ghe sarà .
Metro dopo metro el gà spenxesto el cuor
E el ga traversà ea nòte.
I sogni sognài
Co tanto candor
I marsisse in fondo a 'na cae.
Finché ea paura
No ne indormensarà
E n'altra piòva vegnarà.
Co brassàe più cative
El gà strassinà el so corpo
E sfidà el caìgo intenso
Che pinpian eo gà caturà
'E speranse xa desfàe daea vita
In mèxo ae onde el gà assà.
"No te vògio più ben!
No so' tua!
Còssa ti vól?
Va' via!"
El se gà tacà aea so disperassión
E el mar lo gà magnà.
- Artist:Claudio Baglioni