Անհաս Մի Տենչ [Anhas Mi Tench] [Transliteration]

Ինձ շատ բան տվեց բախտը աշխարհում,

Միայն չտվեց երջանիկ մի սեր.

Չտվեց, որ ես հոգով անդադրում

Դեռ տենչամ, փնտրեմ, չգտնեմ ես դեռ, -

Չտվեց, որ միշտ ազնիվ մի կարոտ

Մեղեդու նման թրթռա իմ մեջ,

Որ ինձ հետ զարթնի ամեն առավոտ

Ինչ որ մի տագնապ, անհասի մի տենչ:

Որ մենակ լուսնի տեսքից հառաչեմ,

Կանչող ծառերի լեզուն հասկանամ,

Որ թախծոտ երգը օդի պես շնչեմ,

Որ Վերթերի հետ տառապեմ ու լամ .-

Որ իմ մեջ առնեմ աշխարհն անհագուրդ

Ու տամ աշխարհում սիրտ հոգի ու գանձ,

Ապրեմ իմ այս խենթ վատնումով հարուստ,

Իմ կորուստներով ՝ ահսահման գտած:

Չտվեց, որ ես միայն չլցվեմ

Խուլ երջանկությամբ՝ անընտել ցավին,

Չլացող աչքի արցունքը տեսնեմ,

Լսեմ խոսքը ՝չասված տակավին,

Ինձ շատ բան տվեց բախտը աշխարհում,

Միայն չտվեց երջանիկ մի սեր:

• Artist:Vahag Rush