Anzones de murva [Greek translation]

Sun torrados a nàschere

sos anzones de murva

e paret su 'eranu carignadu

dae sole e chelos jaros

chena mancu s'umbra 'e nues nieddas

chi bisestran sirbones in abrile.

Sun torrados a nàschere

sos anzones de murva,

sun medas e sun bellos

cun su pilu castanzu

chi paret un'istèrrida 'e altare

pro meledare missas a s'ispera.

Unu murone no tenet sonazos

ammentatilu, e mancu sonagiolos

ca sos murones andan semper solos

e mai poden l'intender a atamazos.

Sun torrados a nàschere

sos anzones de murva,

sun in su coro 'e sa terra nadia

ue fiorin sas ervas arestes.

Anzones melineddos,

chi no bos bidat s'àbbila madura.

• Artist:Piero Marras
• Album:Abbardente & Funtanafrisca