Astrolicamus [Russian translation]

Dansa in su 'entu 'e tramuntana,

dansa umpare a mie,

dansa in su mare 'e s'avventura,

dansa in custa die.

Astrolicamus dae supra

de custa artura,

nàrami de sa fortuna.

Bola in 'entu 'e s'ingiustítzia,

bola umpare a mie,

bola in su mare 'e s'indifferéntzia,

bola in custa die.

Astrolicamus chirchende

su benidore,

nàrami de custu amore.

Nois, sos ammentos

nois, sos trabentos

nois, che sirbones ispérdidos

in su ludu, nois

tue e deo sutt'e una férula

ube naschet sa chíntula.

Dansa in s'annu duamiza, fiza,

dansa umpare a chie?

Dansa in su chelu chi t'assimizat

fortzis umpare a mie.

Bola in su mundu 'e sas tempestas,

bola in sas enas,

beni chi astrolicamus.

Nois, sos ammentos

nois, sos trabentos

nois, che sirbones ispèrdidos

in su ludu, nois

tue e deo sutt'e una férula

ube naschet sa chíntula.

Dansa in s'annu duamiza, fiza

dansa umpare a chie?

Dansa in su chelu chi t'assimizat

fortzis umpare a mie.

• Artist:Andrea Parodi