Aulejas klezmers

Dīzgon borgais rudiņs nuoca,

Solna kūkim lopys trauc.

Dīzgon osa izkapteite,

Vuorpys dzanūt teirumeņ’,

Zīma, zīma byus. 2x

Lai tys borgais rudiņs nuoca,

Jaunim ļaudim prīca nuoca,

Lobus mīžus nūpļuovuši,

Soldan’ olu darejuši,

Kuozys, kuozys byus. 2x

Cep, māmeņa, meikstu maizi,

Aun, meitini, boltys kuojis,

Sedz, muoseņa, boltu gultu,

Jou deļ tevim tautys brauc,

Tautys, tautys brauc. 2x

Lobū rūku kotrys ceļsit,

Gredzinteni puormaineisit.

Tāvam, muotei vedekleņa,

Maņ pošami ļaudoveņa

Nu šuos dīnys byus. 2x

Meitiņ dūmoj prīca byus,

Niu tik tāva bāda byus.

Vēļ gadeņa nadzeivoja,

Jou iz rūku mozuleits,

Namīrs tev tik byus. 2x

Pyrmā godā tautīts mani

Tik iz rūku vīn auklēj’,

Ūtrejā, trešejā –

Nalaiž gultys maliņā,

Ai, voi, maliņā. 2x

Kab as itū zynavuse,

Muotis kurpu naāvuse,

Muotis kurpis slydnys beja,

Īsleidēja tautiņuos,

Ai, voi, tautiņuos. 2x

Tautiņuos – rogonuos

Kai laipuoti īlaipovu,

Laipu lyku pī laipenis,

Izlaipuoti navarieju,

Ai, voi, navariej’. 2x

• Artist:Tautumeitas