شای وفاداران [Şay Wefadaran] lyrics

ئیتر من ڕۆژ و شه‌و ناکێشم ئاهی سه‌رد،

ناگریم له‌ حیرمان و په‌ژاره‌ و ده‌رد،

ناگریم به‌ وێنه‌ی هه‌وری به‌هاران،

پێده‌که‌نم وه‌کوو خه‌نده‌ی ئاسۆی کۆساران،

به‌یادی خۆشه‌ویستی نازدار شای وه‌فاداران،

چاوه‌نواڕیم کێشا، په‌ژاره‌ و سۆم کێشا،

تا تۆ یاری چاو جوان، ئاخر دڵت به‌مندا،

پێده‌که‌نم وه‌کوو خه‌نده‌ی ئاسۆی کۆساران،

به‌یادی خۆشه‌ویستی نازدار شای وه‌فاداران،

به‌یاد ئه‌و ئێواره‌، له‌ نێو ئه‌و گوڵزاره‌،

هه‌ردوو ده‌ست له‌ ناو ده‌ست، په‌یمانمان به‌ست،

خۆش و دڵشادم، له‌ خه‌م ئازادم،

قوربان ئه‌و چاوانه‌، به‌ژن و باڵا جوانه‌،

پایه‌دار بووی له‌سه‌ر، ئه‌و په‌یمانی کوردانه‌.

• Artist:Mazhari Xalqi
• Album:Bijareyên Mezher Xaliqî (1959-1986)