Azuanos tue lyrics

Frade contr’a frade semus nois,

semper a lamentu sos “ohis!”

In tota sa terra bi at gherra in donzi perra.

E tue subra sas nues,

inue ses, inue?

Naramilu como.

Si ses in donzi domo,

azuanos tue.

Ca non pensamus chi a 'onzi arbéschida

b’at zente chi gherrende 'che perdet sa vida.

Ca non pensamus chi a donz’ora

pitzinnos innotzentes no an a connoscher

sa lughe noa de un’àtera aurora.

Azuanos tue!

Frade contr’a frade a donz’ora,

sa piedade dae su coro isporat.

Dae chelu cun sa manu santa

beneighe sa zente,

sa zente tota canta.

Che unu raju 'e sole in.sas nues

sa lughe tua siat in totue,

nos amparet sa peràula tua

istudande sa lua.

Siat paghe in donzi domo.

Iscúrtanos como!

Ca non pensamus chi a 'onzi arbéschida

b’at zente chi gherrende 'che perdet sa vida.

Ca non pensamus chi a donz’ora

pitzinnos innotzentes no an a connoscher

sa lughe noa de un’àtera aurora.

Azuanos tue!

• Artist:Maria Giovanna Cherchi
• Album:Mediterranea