Bèlla ca pe paura lyrics

Bèlla, che pe paura m’hê lassato…

chiù curaggiósa ‘e me si’ ciénto vòte:

ciénto vòte stu stésso aggio penzato

e ciénto vote me ne so’ pentuto…

E tu, fémmena e bbòna, m’hê lassato !

E me ne so’ pentuto e addulurato,

ma cagnà, ‘ntanto, nun me so’ saputo.

Ah, si me fósse mèglio cumpurtato !

Che caràttere ‘nfamo aggio tenuto !

Ma me ne so’ pentuto e addulurato..

E pe sta furia mia t’aggio perduta !

E pe sta furia mia m’hê abbandunato !

E sta sventura mia ll’aggio vuluta !

E mo stóngo avveluto e scunfurtato !

Pe chesta furia mia t’aggio perduta !

Mo fernarraje ca te ne truóve n’ato..

nun dìcere ca no, ca ‘o munno avòta..

Ma chi maje può truvà cchiù ‘ntusiasmato

e cchi maje chiù furiuso, n’ata vota..

Ah, bella cómme e quanto t’aggio amato !!

• Artist:Ferdinando Russo
• Album:Le videopoesie di Gianni Caputo