Բաղերով, շաղերով [Bagherov shagherov] lyrics

Կարոտ մնացի քո անուշ ձայնին,

Մատաղ լինեմ քո ետ գալու ճամփին,

Ա՜խ, հեռացել ես, ինձ մոռացել ես,

Հազար կրակով սիրտս լցրել ես։

Արի', շեն արա իմ տեղն ու տունը,

Խղճա ինձ, փախավ աչքերիս քունը։

Արի բաղերով, շաղերով,

Գոհար ցողերով, շաղերով,

Անուշ խաղերով, տաղերով:

Տարվել եմ ես քո հազար նազերին,

Նազը սիրում է քեզ պես նազելին,

Երեկ քեզ տեսա ամպի պես մթնած,

Այսօր շեն արա իմ տեղն ու տունը,

Խղճա ինձ, փախավ աչքերիս քունը:

Արի բաղերով, շաղերով,

Գոհար ցողերով, շաղերով,

Անուշ խաղերով, տաղերով:

Գարնան շնչով եկ, սիրո տաղ ասեմ,

Ոտքդ դիր շեմքիս՝ մուրազիս հասնեմ,

Գուսան Աշոտն եմ, հմայքդ գիտեմ,

Դու իմ կենաց ծառ, քո շուքը լինեմ:

Արի շեն արա իմ տեղն ու տունը,

Խղճա ինձ, փախավ աչքերիս քունը։

Արի բաղերով, շաղերով,

Գոհար ցողերով, շաղերով,

Անուշ խաղերով, տաղերով:

• Artist:Gusan Ashot