بكف إيديك [bekaf edek] [English translation]
بكف إيديك [bekaf edek] [English translation]
[محمد عدوية]
بكف ايديك تقدر تبدل كل شئ حواليك
تقدر تشوف تفاصيل كتيرة بعنيك
بكف ايديك حواديت كتيرة عاشت سنين وسنين
خطوط بترسم خطوة عارفة طريقها فين
تقدر بموهبتك تقرّب مننا
مانت اللي بتعبر بإيدك عننا
فنّك هيفضل بكرة عايش في البيوت
وهتغلى قيمته كل ما يقدم سنة
قرّب كمان ارجع ودوّر جوه الذكريات
يمكن تلاقي بكرة في عيون اللي فات
قرّب كمان املا أيامك آااه بالألوان
الدنيا أجمل لما تشوفها بعين فنان
[زاب ثروت]
مستغرب عمري ما شفت كنز مش متقدّر
ايدين تتلف ف حرير ويكون متعطّر
آخر واحد باقي لينا من صنعته
في كل ركن ف كل بيت جزء من قصته
ده عملة نادرة مرسومة بكل حرفة
تفاصيلها مكتوبة و محفورة ف كل ورشة
وخيوطها رابطة النوبة بالفيوم والصعيد
ونسيجها عايش من سنين أقوى من الحديد
بتحب حاجة؟ علّمها للي حواليك
ده ورث أبوك وجدك لازم يعيش بعديك
وريهم معنى الموهبة واحكي للناس حكايتك
خلي نهاية الحكاية تتقلب وتكون بدايتك
[محمد عدوية]
تقدر بموهبتك تقرّب مننا
مانت اللي بتعبر بإيدك عننا
فنك هيفضل بكرة عايش في البيوت
وهتغلى قيمته كل ما يقدم سنة
- Artist:Mohamed Adaweya