Bidda mia [English translation]

Dae s'istrada chi andat a Núoro

ti miran in s'altura, o 'idda mia,

che matrona assentada bella e bia

in pannos de brocadu e friscaldonu.

Sos abitantes, cun su zelu insoro,

superan su pastore 'e Baronia

e sun capatzes in sa mesaria

cantu sos bonos de su Logudoro.

Tenen artu talentu e bonu coro,

in donz'aspru triballu an balentia,

sun previdentes e faghen tesoro

de su chi frutat sa terra nadia.

Amore e paghe, naran, solu imploro

intr'e sos crastos de sa domo mia.

Gocèanu ti mandat dae levante

su manzanu sa lughe rie-rie,

sas rocas de su monte a mesudie

t'incastran in su fronte unu brillante.

Palai, maestosu che gigante,

ses su babbu de su fritu e de su nie,

regalat s'istiu solu a tie

s'úrtimu 'asu 'e su sole calante.

Tot'ingiru sas baddes, cale amantes,

ti faghen corte, ti ponen in briu,

ti cantan s'innu 'e s'aurora…

• Artist:Maria Giovanna Cherchi
• Album:Ammentos