بیلەنگێنە [Bilangena] lyrics

زوڵفی تۆم بۆیە خۆش ئەوێ

تاو لە کوڵمانت ناکەوێ

فێنکە لەبەر ماچی شەوێ

ئاخ کوڵمە سوورەکەی تۆم، هەر بۆ من ئەوێ

زوڵفی تۆ بێ شانە جوانە

چوون ئاڵۆز و پەرێشانە

کەمەندی دڵی عاشقانە

ئاخ پەرێشانی مەکە، نەیبینێ بێگانە

نایە نایە زیڕه گوارانت

خڕنەی بازنەی پامورانت

بیلەنگێنە با بتبینم

یاخوا چاو جوان، مەرگت نەبینم

سوێندم خواردووە بە پەرچەمی

تا دەم نەنێمە نێو دەمی

نابم بە شەریکی غەمی

تو خوا ئەمجارەش وەرە

دەم بخەمە ناو دەمت

• Artist:Mazhari Xalqi