Բինգյոլ [Bingyol] lyrics

Երբ բաց եղան գարնան կանաչ դռները,

Քնար դառան աղբյուրները Բինգյոլի.

Շարվե շարան անցան զուգված ուղտերը,

Յարս էլ գնաց յայլաները Բինգյոլի:

Անգին յարիս լույս երեսին կարոտ եմ,

Նազուկ մեջքին, ծով-ծամերին կարոտ եմ.

Քաղցր լեզվին, անոյշ հոտին կարոտ եմ,

Սեւ աչքերով էն եղնիկին Բինգյոլի:

Պա՜ղ-պա՜ղ ջրեր, պապակ շուրթս չի բացվի,

Ծուփ-ծուփ ծաղկունք, լացող աչքս չի բացվի,

Դեռ չտեսած յարիս,- սիրտս չի բացվի,

Ինձ ի՜նչ, ավա՜ղ, բլբուլները Բինգյոլի:

Մոլորվել եմ, ճամբաներին ծանոթ չեմ,

Բյուր լճերին, գետ ու քարին ծանոթ չեմ.

Ես պանդուխտ եմ, էս տեղերին ծանոթ չեմ.

Քույրիկ, ասա՛, ո՞րն է ճամփան Բինգյոլի:

• Artist:Armenian Folk