Boha e Guitarra lyrics

Que soi de per delà la mar grana,

Qu'ei lo pais deu rock e deu rap,

Tu que pudes drin trop a la craba,

Los corbaishs que se'n viran lo cap.

La garona, shens vergonha,

Que se'n fot, que se'n va tà Bordèu,

Sona, sona, la Gasconha,

Que s'a desbrembat lo rondèu.

Lhèu qu'arribas de las Americas,

Tu qui n'as pas ni popas, ni cuu,

Mès non seràs pas tan electrica,

Lo dia qui't van copar lo jus.

La garona, shens vergonha,

Que se'n fot, que se'n va tà Bordèu,

Sona, sona, la Gasconha,

Que s'a desbrembat lo rondèu.

Dab tu, que soi contenta deu viatge,

Qu'ès tostemps o trop baish o trop haut,

Que't cau tres oras tà l'acordatge,

Lo reste deu temps a jogar faus.

La garona, shens vergonha,

Que se'n fot, que se'n va tà Bordèu,

Sona, sona, la Gasconha,

Que s'a desbrembat lo rondèu.

Si vos jogar dehens la carrèra,

Que't cau tirar cent mètras de hiu,

Un vailet tà tirar la bramèra,

Quan arribas qu'ei tà diser "Adiu"

La garona, shens vergonha,

Que se'n fot, que se'n va tà Bordèu,

Sona, sona, la Gasconha,

Que s'a desbrembat lo rondèu.

• Artist:Nadau
• Album:Pengabelot