Cómm'a stu ciélo lyrics

Cómm'a stu ciélo appecundruso e niro

ca chiòve a ore ll'acqua cómm'a cché,

stu còre c’ha perduto ògne rispiro

chiòve cucente làcreme pe tte.

.

Passa pe ll’aria na tempèsta scura,

schiòppa nu lampo giallo e se nne va...

Cómm’a speranza ’e fà passà 'a sventura,

cómm' 'o penziéro d’a felicità...

Ma sta speranza cu ’o penziéro vène

cómm’a nu lampo... pe nun tumà cchiù!

E chisto còre affanna mmiéz’e ppéne

cu ’o desidèrio ca turnasse tu!

• Artist:Ferdinando Russo