Campiò lyrics

Campiò, campiò, campiò

Tu nun 'ossaje che m'he fatto

Nu pugno 'o core e m'he distrutto

E m'he stutato all'intrasatt'

Nu suonno ca nun sonn' cchiù.

Duje mare se 'ncontrano

Doje terre s'astregnene

Doje lengue se parlano

E ogni parola dice 'e te

Comm' si stato grande

Ricord' se scetano

Bandiere che cantano

Feneste che chiagnene

E tutt' attuorno sape 'e te

Nun se sente 'a distanza

Tutt'o munno è 'na stanza

'Na stanza chiene 'e pecché

Campiò, campiò, campiò

Tu si nu poco 'e tutt' quante

Ca sì sagliute 'ncap' 'o munno

'E date luce a chi nun campa

A chi nisciun' vede cchiù

Tu ca sì chiammave 'a luna

Scenneva e te mettev'e scarpe

Te disegnava 'o campo e 'e porte

Tu sulo contr' a tutte quant'

Campiò, campiò, campiò

Io chesta sera nun ce 'a faccio

E tutt' qell' c'aggiu scritto

È pe tte dà l'ultimo abbraccio

T' 'o giuro, nun te scordo cchiù.

• Artist:Nino D'Angelo