Can she excuse my wrongs [Neapolitan translation]

Po’ cummiglià ‘e vertù ‘o mmale fatt’a mme?

Aggi'a dì ca éssa è brava si è sultanto crudéle?

Chiammo fuóco lucènte quanno sulo fumm’è?

Aggi’alludà ‘e ffrónne addo’ nun tròvo mèle?

No, no, llòco addo’ ll’òmbre ‘e ccarne hanno cacciato

‘nzurde te puo’ piglià si si’ miézo cecato

L’ammóre friddo è cómme na scritta ‘ncòpp’a réna,

na mbólla ca cammina ‘ncòpp’a ll’acqua seréna

Lasse ca essa cuntinua a darte sti turmiénte,

vedènno ca éssa buóno nun te trattarrà maje?

Si â vuluntà sója cummannà nun te siénte,

l’ammóre sènza frutte tu sèmpe n’avarraje.

So’ accussì sfrantummato ca nun so’ fatto mio

chilli deliétte granne c’éssa nun me vo’ dà?

Quanto chilli so’ granne, tanto grann’è ‘o disio

e si essa me ll’annéa, i’ che pòzzo sperà?

Si arraggiunà nu pòco sta signóra vulésse

saparria c’ammóre è fatto giusto e fòrte.

Priato me farria s’essa chésto me désse

senza tricà nsì a quanno i’ sóngo ‘mpunto ‘e mòrte.

È mille vòlte mèglio murì cu nu sturzillo

ca campà sulamente pe patì stu turmiénto.

Ma tiéne a mmènte, cara, ca i’ so’ stato chillo

ca pe te vulé bbène songo muórto cuntènto

• Artist:John Dowland